December 18, 2016

سعودیہ، بلوچاں چہ ایدگہ پاکستانیاں شرتر روزگار دنت: سعودی ہالتاک

nitaqat, saudi arabia baloch, نطاقات

سعودی ہالتاک الوطن عربی ءِ ہساب ءَ سعودی عرب بلوچ شہریاں چہ ایدگہ پاکستانیاں روزگار ءِ پِڑ ءَ شرتریں سہولت دنت۔ ہالتاک ءِ ہساب ءَ اے ہبر سعودیہ ءِ لیبر ءُ سوشل ڈیولپمنٹ منسٹری ءِ مردماں گُشتگ۔

سعودی عرب ءِ نطاقات پروگرام ءِ رِد ءَ چار بلوچ ملازم یکے ہساب کنَگ بیت۔ اے رعایت پیش ءَ برما، ترکمانستان ءُ ہما فلسطینی کہ آہاں مصری سفر نامگ گوں دیگ بوتگ۔

نطاقات پرگرام ءِ ہساب ءَ چار ڈنّی مردم، کہ نوں آہانی تہا بلوچ ہم ہوار بنت، یکے شمار بنت بلے شرط ایش انت کہ یک ادارہے ءِ کُلّیں مُلازمانی تہا آہانی کساس چہ پنچاہ درسد ءَ مہ گوْزیت۔

اے فیصلہ ءِ مکسد ہمیش انت کہ پرائیویٹ ادارہ دگہ مردمانی بدل ءَ اے قومانی مردماں گیشتر کار بدینت۔

سعودی عرب ءَ بلوچ سئے قسم ئیگ انت: یکے ہما کہ آہاں سعودی پاسپورٹ ہست، دومی ہما کہ آہاں پاسپورٹ نیست بلے اقامہ ہست ءُ سیمی ہما کہ آہاں پاکستانی پاسپورٹ گوں۔

گیشتر بلوچ مشرقی صوبہ ءَ نشتگ انت۔ لہتین ءَ جبیل ءُ راس تنورہ ءِ وڑیں انڈسٹریل شہرانی نیمگا ہم شُتگ ءُ نشتگ انت۔

گیشر سرکاری ملازم انت یا آٰئل کمپنیاں کار ءَ انت۔ ریاض ءُ قصیم ءِ تہا آہانی کار کشت ءُ کشار یا شپانکی انت۔ وہدے کہ مکہ ءُ جدہ ءَ آ حج ءِ موسم ءَ بس ڈرائیونگ کننت یا دکّانداری۔

منّت: ہالتاک سعودی گزٹ

News Desk

+ posts

Latest articles

ایوب بلیدی ایماندار ءُ دلێرێں سرۆکے اَت

کئے واب ءُ کئے آگه؟

Sulti The Human of Colors

Leave a Comment Cancel reply