مُدّتےءَ رند من چُٹّیاں لۆگءَ اَتکگ‌اَتاں. جُمَهی رۆچے اَت. لئین وَ مئے کرّا چۆناها نێستیءِ هساب اِنت. چه بےلئینیءَ لۆگ انچۆ تَپسَنت که پَاهار کشّنت. جرنیٹر ءُ سولَر، هُداءِ شُگر اِنت مئے وَسءَ نه‌اَنت. من هدائی گْواتےءِ ورگا لۆگءِ پێژگاهءَ ساهگےءَ نِشتاں. هُداءِ وشّێں گْواتءَ ژیپّ ژیپّے مان اَت، بلے سَهتُکےءَ رند مُلّاهانی اِسپیکرانی ژیپّ ...
رئوف تیربار کنگ ءُ کُشگ بوت، تربتءَ. اے ھالءَ منا بازێں سالے پُشتءَ بُرت ءُ تربتءَ سر کت. تربت اِنت، بلے نِندگی نه‌اِنت. وانَگجاه هست ءُ کتابجاه نێست. کالجءِ پرنسپلءَ گُشئے کالجءِ کتابجاهءَ تاں دێرا پچ کن، پرنسپلءِ دێم تھار بیت. بلۆچستان اِکیڈمیءِ کتابجاهءَ رئوئے، اَزیمێں ادیب ءُ شائرانی مورک مُجِته. لئین نێست. اگاں هست، ...
بلۆچانی کمانڈرےءَ وتی ویڈیو مئیسجےءِ تها گُشتگ که ”چیهانٹ، کوکّار، دَرنا، مُزاهره ءُ جلسه ھچّێں کارے ندارنت ءُ اِشانی هِچ اسَرے نێست.“ سادهێں بلۆچیءَ اِشیءِ متلب اِش اِنت که: ”اے مُپتێں ٹێل‌سۆچی‌یے.“ اے گپّ، چه هرکَسءَ پێسر هما مات ءُ گُهارانی بےاِزّت کنگ اِنت که چه بلۆچستانءِ کلّگ ءُ کوچگاں پیرانسَریءَ، نێزگاریءِ هالتءَ هم جَنان ...
میلَن کُنڈێرا، یک اَپرێل 1929ءَ چیکسلواکیهءِ شھر برنۆءَ ودی بوته. کُنڈێرا، رۆشن‌پِکرێں مردمے بیت ءُ کمیونسٹ پارٹیءَ همگرنچ بیت. بلے کُنڈێرا چۆ که دپ‌نه‌اۆشتێں نبشته‌کارے بیت، پمێشکا چه پارٹیءَ کشّگ بیت. آئیءِ نبشته ءُ هبرانی سرا هم بازێں سختی ءُ پابندی‌یے بیت. گُڈسرا، کُنڈێرا چه اے چیزّاں بێزار بیت ءُ 1975ءَ چه چیکسلواکیهءَ در کپیت ...
ساجد حسینءِ اے انٹرویو شهمیر بلۆچءَ کرتگ ءُ دی ڈانءَ 8 مارچ 2017ءَ چاپ ءُ شنگ بوتگ. نۆرۆز هئیاتءَ په مئے وانۆکاں بلۆچیءَ تَرّێنتگ. شهمیر: مرچاں چے وانَگائے؟ ساجد: من عطا شادءِ بلۆچی شئیرانی دو کتاب ’شپ‌سهاراَندێم‘ ءُ ’رۆچگِر‘ءَ دو بر وانَگاآں. عطا دو دهَکّ پێش، فروَریءِ ماهءَ بێران بوتگ. من دیست که سۆشل میڈیاءَ ...
وشّیءِ ھبر اِش اِنت که مئے نۆکێں پدرێچ ھما چیزّاں جێڑگا اِنت که ما اے سندءَ نجێڑِتگ‌اَنت. شُما که نۆک اے زمانگءِ بازیجاهءَ پاد اێر کُتگ‌اَنت، گُڑا اے بازیجاهءِ مسترێں لۆٹ ھمێش اِنت که شُما یک گْواچنے بزان‌اِت ءُ آ اِش که شُمئے آسراتی ھم اَچ ما گێشتر اَنت ءُ شُمئے جنجال ھم. آسراتی چے ...
ما سنگ‌آبادءَ سنگتےءِ سورءِ داوتءَ شُتگ‌اَتێں. مردےءَ مارا ھال دات که مرچی گُلام نامێں شپانکے سرکارءَ برتگ. دگرےءَ کسّه کت که گلامءِ مات شپادءَ رۆڈءِ سرا اۆشتاتگ ءُ نێم گنۆکیءِ ھالتءَ لبجگا بوتگ که ”منی چُکّش بُرت. منی چُکّ گار اِنت.“ سنگتانی رِدءَ گلام ھُدائی بزّگے، شپانکی‌ئےِ کتگ ءُ وتی مات‌ئےِ لاپ داته. سیاسی یا ...
باز ماهءَ رند دلءَ په بلۆچی کتابےءِ وانَگا اۆمان کت. وتی شیلفءِ تها بازێں کتابے چست کُت ءُ پدا اێر کُت. سر پر بوّگا نه‌اَت کُجامیءَ دستءَ بکناں. همے کنفیوژنءَ مئی هلاس بوت ءُ جون آتک. یک نێمگے ٹویٹر ءُ پئیسبُک ءُ اِنسٹاگراماں صبا دشتیاری پدا زندگ کُتگ‌اَت، دومی نێمگا عبدالواحد بندیگ بێران بوت. سَکّێں ...
نۆٹ: نامدارێں اهوالکار ءُ گِدارنئویس محمد حنیفءَ بێگواهێں بلۆچانی سرا کتابے نبشته کرتگ. اے کتاب ایچ آر سی پیءَ چاپ ءُ شنگ کرتگ. تاج بلۆچ ءُ ساجد حسینءَ اے کسّه په بلۆچستان‌ٹائمزءِ وانۆکاں بلۆچیءَ ترّێنتگ‌اَنت ءُ اے کسّه یک یکءَ اِدا شنگ بوتگ‌اَنت. اے کسّه ڈاکٹر دین محمدءِ سرا اِنت. اے مردم گْوشنت که بازێں ...
دین جان من ائولی رندا شالءَ اِشکُت. جی. دین جان اِشکنگ پێسرا بوت ءُ گِندگ رندا. دین جانءِ کرّا سر بوّگا پێسر، چه میلّے راها تئو دین جانءِ کندگ اِشکُتنت. بلاهێں، زنده‌دلیں کندگ، اَسلی والا، چه دلءِ جُهلانکءَ اَتکنت. بچکندئےِ هم سکّ شئوک اَت. ءُ مُدام بچکندگا اَت. نازُرکێں زێبائێں بچکندے پورا پۆٹۆکاپی کتگ ءُ ...
Akram Dashti
Sajid Hussain
Abdullah Abbas