تئی رَپتِن بازێں مردمے نبشته‌کار جۆڑ کنت، من اے هبر چه تئی رؤگا پێسر زانتگ. تهنا من کُجا؟ تئو هم گۆں همینچو جزمءَ اے گپّءَ سرپد اَتئے. منی ءُ تئی نْیامءَ مُهکم‌تِرێں سْیالی همێش اَت که ما وت ماں وت بِه دُنیاءِ بابتءَ هبر نکُت. مُدام وتی بابتءَ هما هبر کُتنت که مردمءَ په زمانگءِ ...
آزمان جَهلءَ اێر کپگءِ هاترا چے کارمَرز کنت پُهل، یا پَدیانک؟ اِنّه، بَس یک لچّهے. لَچّهے هر وهدا بلۆٹیت آزمانءَ جَهلءَ اێر گێجیت ءُ زمینے جۆڑ کنت لَچّه لنکُکانی نیامءَ انچێں چؤلے که مئیم نبیت انچێں چؤلے که دریاءَ پَجّاه نئیاریت لَچّهے هر وهدا بلۆٹیت زمینءَ انچۆ بُرز بارت که اِستال آئیءِ چارگءِ هاترا وتی ...
چراگ دارگ، چراگ کِشَگ، چراگ رۆن کنگ ءُ چراگ جێڑگءِ اَمل اِنت لبزانک. زندگیءِ تها اگں رُژنءِ کَنسیپٹ دَر کنگ ببیت، گڑا هر زبانءِ لبزانی گێشترێں بهر وتی ماناهاں بێهال کنت. دَریگ، تؤکل، گام، کِشْک… منا اے کُلّێں لبز چراگءِ همزات سَما دئینت. اِنسان که ساه کَشّیت ھم چراگ رۆک کنت. ءُ ھما وھدا ھم ...
وشّیءِ ھبر اِش اِنت که مئے نۆکێں پدرێچ ھما چیزّاں جێڑگا اِنت که ما اے سندءَ نجێڑِتگ‌اَنت. شُما که نۆک اے زمانگءِ بازیجاهءَ پاد اێر کُتگ‌اَنت، گُڑا اے بازیجاهءِ مسترێں لۆٹ ھمێش اِنت که شُما یک گْواچنے بزان‌اِت ءُ آ اِش که شُمئے آسراتی ھم اَچ ما گێشتر اَنت ءُ شُمئے جنجال ھم. آسراتی چے ...
زمانگ ہر شپ منی تہنائیءَ دُژمانے دنت ءُ چہ دریگءَ لِکّیت بلے چہ شہرءَ ڈَنّ درکپت نہ کنت سہبءَ چہ دُرساں پیش گوں من دپ کپیت وتی دژمانءُ منی تہنائیءَ شموشیت منی ہمراہ چہ دروازگءَ لوگءِ تہا پُتریت https://soundcloud.com/user-871791679/voice-006
اگں سریچکاں ہبر بُکتیں مردم سک پاشک بوتگ اَت منیءُ وتی گواچنءَ زانَگ لوٹ ئے گُڑا سریچکے تیر بجن ءُ پدا۔۔۔۔ ندارہ بکن کہ مہلوک میّت ءَ کئی مانشءَ ایر دنت ۔۔۔۔ گندئے سریچک بہ لَڈّنت مئے وڑیں بازینے دَراں ڈیہہ بیت۔
اندرءَ ساچان اِنت جنگے درمیا ہچ مہ بو اندیم سہتے درمیا وابےءَ شہمیتءُ وابءَ گار بیت زندگی آہوئی ترْاسے درمیا وپتگیں نکشانی باتن گوانک جنت ہر دریگءَ قبر اِنت چمّے درمیا بے سماء در کائے پیڑائیت دلءَ ایوکی موکوئی تندے درمیا اَچ ما پد اے کِشکاں بس مونجے تچیت پیچ دنت ہر دمکءَ برْمشے درمیا ...
مارا زیبائیءِ بَنگانی ملاراں گپتہ جاگہے ساز سَواساں گوں مئے مان اَڑنت جاگہے رنگ مئے دامن ءِ لمب ءَ دارنت چم کِشکانی دمانے اگں پمّا بہ کپنت کاینت تئی مہپرءِ پیچانی تہا چیر بیَنت مارا زیبائی ءِ بَنگانی ماراں گپتہ لبز شپ کپتگیں اے ہلک ءِ موالانی وڑا اچ وتا دور رَوَنت ءُ وتا شوہاز ...
تو انچیں شہرے ہنکین کتہ کہ اچ من سک نزّیک اِنت ہمینچو نزیک کہ اودءِ مردم ہر شپ منی وابانی تہا روءُ آ کننت تو انچیں شہرے ہنکین کتہ کہ اچ من سک دور اِنت ہمینچو دور کہ اگں من شپ ءَ ماہ ءِ بدل ءَ تئی شہرءِ چراگاں چارگ بلوٹاں منا ہچ گندگ ءَ ...
Munir Momen
Munir Momen
