بلوچانی شیکسپیر ءُ شیکسپیر ءِ ہیملٹ
بلوچانی تہا شیکسپیر ءِ نامداری ءَ منی سَر ہچ پِر نبیت۔ باز سال ءَ پیسر، مند ءَ دیوانے ءِ تہا مالداریں کماشے وَشگپّی کنگا ات کہ شیکسپیر بُن اسل ءَ بلوچے ءُ آئی ءِ نام شئے پیر بکش بوتگ۔ آ لانچے ءَ کپتگ ءُ یورپ ءَ شُتگ۔ چو کہ یورپیانی دپ ءَ آئی ءِ نام شّری ءَ نیاتکگ پمیشکا آ شیکسپیر ءَ نام کپتگ (اگں مں بے ہیال نیاں محمد حسین عنقا ءَ ہم انچیں پَدنَبودیں گپّے کُتگ)۔
