Home / Balochi / وتءَ مروچی راہ بِدئے

وتءَ مروچی راہ بِدئے

مروچی دُرس اَتکگ اَنت

سمینءِ نمبیں ترانگءُ بہارءِ گُڈسری ملار

دوریں ہلکےءَ گُشئے چو کاڑے مہپراں وتیگاں شنگ کنت ءُ تاب دنت پدا سماریت بال دنت ءُ ٹہک دنت باتنءَ درامدیں درہیں ہیالاں زلپءِ ٹالاں سستگیں پتائیت لنککءِ سرا ءُ دُور گواتےءِ میار کنت درہیں سمارءُ وشبوآنءَ سندیت چہ وتءَ جتاء کنت 

اے ماہپرانی منگلیک چو گِردیں َسَگّءِ شارےءَ کجا کجا اڑان کنت کجام ڈنگراں منی ازابیں بہتےءِ رسیتءُ شپ کپیت 

وتءَ چہ من شزار باں

 

ہمودا وہدے زندگی  برے برے کہ جاہے ساہگءَ کپیت ءُ جاہے جاہے شہم کنت، دو رنگ بیت اناگہہءَ

 

اے دل گشیت ترا نِبیساں کاگدے 

گوں وشبوانی موسماں 

گوں تاجگیں بہارےءِ ہمک ندارگءِ توامیں رنگءُ جلوہءَ 

گوں واہگانی مہرمیں ہیالی ترانگءِ زرءَ 

گوں سنجءِ درپشناکیں مُہرگانی پشتءِ درستیں رژنءُ شہمءِ دروشماں۔۔۔

 

دلءَ بلے ہیال کئیت کہ چش نہ بیت امبراں۔۔۔

 

نہ شنزاِتگ شمشتگیں گمانءِ اکسءِ جمّراں ناں گورتگ ہور ءُ ہرّگاں رگام ءُ تانہی جُڑاں ناں دروچک نئیکہ گولواں نہ کبگ نان کپودراں کپینجراں ناں بلبلاں ناں شانتلانی بانزلاں مُدامی بال گون ات انت ناں زیملانی ساز پیشگیں وڑا ات انت 

اے درس مٹ بوتگ انت 

 

اے کُلیں مرچی جیڑگاں ودی کت انت

بلہ من ہچ کلوہ نہ کُت

 

ناں مہپرانی ساہگءَ

ناں جمبرانی نمبیءَ

ناں موسمانی پروشتگیں ہیالءِ شیشگانی ٹُکرّاں تیابءَ ریکءِ ماڑیءَ سرامدیں گشئے من چارگءَ اتاں

وتءَ را مارگءَ اتاں

ودارءَ اَنچو بے وساں

کدی ڈُراں؟ 

کدی منءَ زرے پدا کلوہ بکنت 

 

جُشاناں جندءِ اندرءَ تچاناں ہونءِ جاگہءَ چو شیرگءَ 

پدا مں جاہے گوں وتءَ دوچار باں مڑاہ کناں ءُ سر گراں 

ایوکا، ءُ بے وتءَ

بلے

ترا چہ پد اگاں من زندگاں تہ مُرتگاں یا ملکموتءَ پانَگاں

About Mehlab Naseer

Mehlab Naseer has done her Masters in English Literature from the University of Balochistan and has been teaching English Literature and Functional English at the Government Girls’ Degree College Turbat and the University of Turbat since 2010.

Mehlab composes Balochi poems, writes short stories and is also a regular translator.

Check Also

Nawaz Atta – the poet-cum-social activist

Nawaz Atta was an aspiring poet who helped the family members of Baloch missing persons, …

Leave a Reply

Your email address will not be published. Required fields are marked *