کارگال گنج ۔۔اولی بہر

10

 

دلگوش: اے بلوچی ءِ کارگالانی گوْنڈیں لَڑے۔ اے لڑءَ ایوکا ہما کارگال ہوار انت کہ یکگالی انت، چو کہ ”آرگ“ یا انچین انت کہ پیسرا دو یا گیشتر لبز بیتگ انت بلے نی جُڑتگ انت ءُ یک لبزے ءِ رنگ ءَ کارمرز بنت ، چو کہ ”پجّارگ“ یا ”سرارَگ“۔

 

Dilgóś: É Balócí,e kárgálání gwanđéń laŕé. É laŕá éyuká hamá kárgál hawár ant ki yakgálí ant, cóki “árag” yá ancén ant ki pésará do yá géśtir labz bíttagant bale ní juŕitagant o yak labzé,e rangá kármarz bant, cóki pajjárag, sarárag

 

Awalí bahr:    Á آ

اولی بہر: آ

Kárgál کارگال   Bizánt / Kármarz
Ádag آدگ Nangárá pésar zimín,e narm kanag,e hátirá áp diag
Ádénag آدینگ Palgárag. Mídání ŧél muśag o randag
Áđag آڈگ Muśag. Randag. Palgárag
Áđahórénag آڈہورینگ Danz o dítt kanag
Áđálag آڈالگ Đalag. Gappal kanag. Ŧappí kanag
Áđalag/áŕalag آڈلگ Nádráhíá rand (dalwat,e) cin o wará kapag o watá girrénag
Áđáyag آڈایگ Wár o móh diag
Ágálag آگالگ Śódag. Sapá kanag
Águrrag آگرّگ Đáh girag. “kucikká gindít píśśí águrrít”
Áhóŕag آہوڑگ Janag. Kuŧŧag
Áhúrag آہُورگ Mazan bayag. Báparag. Gwát girag
Ájanag آجنگ Minag o purr kanag. “minukká ájan billé muhr bí”
Ákásag آکاسگ Sarkapag. Kásag. Mánásag. Bójígá sawár bayag
Ákéŕag آکیڑگ Gwát girag. Watá mazan lékag
Áláŕag آلاڑگ Daryá,e récá rawag. Dalwat,e láp,e ricag
Álag آلگ Naréń dalwat,e mádagéná sawár bayag
Álóŕag آلوڑگ Álóŕ o balóŕ kanag. Hór o tór kanag
Ámurzag آمُرزگ Dilmánag bayag. Tuśkag
Ánđarénag آنڈرینگ Ás,e rók kanag o dítt kanag. Đurénag o próśag
Ánkasag آنکسگ Dam kanag. Dam,e bálá árag
Ápahrag آپَہرگ Jálárag. Cízzé,e samárag
Áparag آپَرگ Láp,e gwát girag. Zahr girag
Ápusag آپُسگ Dalwat,e ápus bayag. Jambar,e bandag
Árag آرگ Góń wat zírag o áyag
Áródag آرودگ Dracké,e nihál kanag o domí jágahéá kiśag
Ásag آسگ Có ásá rók o ruźná bayag. Bám,e ásag: sabáh bayag
Ásísag آسیسگ Pa kaséá bad lóŧag. Badduá diag
Áskálag آسکالگ Madáná gapp,e dar kanag
Áśáyag آشایگ Áśá kanag. Pa zánt kasé,e rástá rad guśag
Áśéśag آشیشگ Saŕag. Gahag. Pínssag
Áśóbag/áśubag آشوبگ Đáh o śór girag
Átárag آتارگ Sabáh,e átárag: sabáh,e ruźnáí,e tálán bayag
Áwánag آوانگ Gihásag
Áyag/áhag آیگ Watí jindá árag. Jágahéá pujjag
Ázag آزگ Sáŧag. Áz o pyáz kanag. Sambahénag
Ázménag آزمینگ Cakkásag o cárag

 

+ posts

Naguman, a medical doctor by profession, is a Balochi fiction writer and literary critic. He also often comments on political and social issues of Balochistan.