خالق ارمانءِ دستونک، آئیءِ جندءِ آوازءَ

10

کِشک لَڈّءُ بارانی جَنگلے کہ سَہرا اِنت

زندگی، گُبارانی جَنگلے کہ سَہرا  اِنت

دِیدگاں، سَگارانی جَنگلے کہ سَہرا  اِنت

سئیل کن شِکارانی جَنگلے کہ سَہرا  اِنت

ہون گریتگیں دریا نَکش کَشّ اِتہ ترمپاں

رولہیں نِگارانی، جَنگلے کہ سَہرا  اِنت

شپ چو گوانزگی پاسے برانز مالِتہ روچءَ

گُلزمین سَہارانی  جَنگلے کہ سَہرا  اِنت

تُنّ مَرکیں بِچکندے ساہِگانی باہوٹ اِنت

دُور، مَلگُزارانی  جَنگلے کہ سَہرا  اِنت

اے چراگ رَہشونیں گواتءِ لنکُکُاں بستگ

روک سرمچارانی جَنگلے کہ سَہرا  اِنت

انچیں تُرسناکی یے تُنّءِ باتِنءَ شَہمیت

زِرد  ریگزارانی  جَنگلے کہ سَہرا  اِنت

گار، اَچ وتا ارمان، پیژگاہءِ آتِراپءَ

مانِشیں دیارانی  جَنگلے کہ سَہرا  اِنت

+ posts