Khaliq Arman

دستونک ۔۔۔خالق ارمان

ارس بوریناں سُرمگان کنان

کِشکاں سایان ءُ دیدگان کنان

وت وتی اندر ءَ مہ بیت جاگہ

من وتا انچو شاہگان کناں

لبز جالار بنت ژلانگوکیں

شئر دوچاں کَٹور ءَ مان کناں

بیرگ ءَ گَہہ مہ کنت گَلگ ارس ءِ

دیدگاں پہ تو ساربان کناں

تو منی سیادی ءَ دل ءَ میارئے

انچیں مُندریکے لَنککان کناں

سِستگیں ہوری ترْمپاں بادیناں

موسم ءَ جیگ ءِ مُہرگان کناں

زَتک ءُ زہرے دگہ مہ چنت ارمان

بند ءُ بوگاں شراب مان کناں

 

Don’t miss posts from Balochistan Times!

We don’t spam!

+ posts

Leave a Comment