The womanizer

176

نوٹ: اے حسنین فضلءِ نبشتانکے که نبیله مهرابءَ رجانک کرتگ ءُ آزمانکی رنگے داتگ.

واحد تهاریں کوٹیءَ دراج اَت و تَچک اَت. شپءِ کساس 10 بج اَت، کوٹیءِ لیٹ ئِے ھم کُشتگ‌اَتنت.

مُدام ورگ که وارت، لئیٹءَ کُشیت ءُ تاں شپءِ نیما برے netflix ءَ سیریز چاریت، برے گوں مُبائلءَ سر ءُ لینڈ بیت.

اے وھدی ٹویٹرءَ مُشکول اَت. دیست ئِے که جنینانی مسله سَکّ چست ءُ ایر بوگا اِنت؛ برے غیرتءِ جیڑهءِ سرا کُشت ءُ کوشءِ گپّ، برے لوگی جیڑه ءُ برے چاگردی. شپ که بوت، نوں واحد ھمے مسلھاں گَٹّ اَت۔ هر جاگه که ٹرینڈے بوت، واحدءَ الّم تھا دور کُت، ءُ ٹویٹ کُت۔

”باید اِش اِنت که مئے چاگردءِ توکا دُرستیں جنین مردینانی زوراکیءِ هِلاپءَ آواز چست بکننت ءُ اشانی لگتمالیءَ مه منّنت،” واحدءَ ٹویٹ کُت.

واحدءَ مُدام سوشل میڈیاءِ توکا جنینانی هَکّءِ، ءُ زوراکیءِ بابتءَ گپ جتگ ات. آئیءَ اے ھم گوشتگ ات که جنینانی کِرد چاگردءِ توکا چینچو مزن اِنت ءُ آھانءَ چوں اِزّت دیگ به بیت. آئیءَ اے ھم گوشتگ ات که هچ مردینءَ اے هَکّ نیست که جنینےءَ کَمشرَپ به لیکیت. هچ هسابءَ نه. واحدءَ اے گپءِ سرا ھم زور داتگ ات که مردینانی هچ وڑیں هَکّ جنینانی سرا نیست۔ آ وتی زندءِ مستر وت اَنت، اگاں آیانا چاگرد یک هسابیں هَکّ ءُ زند بدنت۔ آئیءَ مدام سوشل میڈیاءَ همے پیمیں دیوانانی توکا بهر زرتگ ءُ گوں مردیناں اَڑ ءُ کُڑ ئِے ھم کُتگ، جنینانی هَکّءِ بابتءَ.

واحدءَ آنلائن چپ ءُ چاگردءَ جنِکانی گوما هال اھوال است ات که آئیءَ مدام وتی اِزّت ءُ نام برجاه داشتگ ات ءُ هر ھما کار ئِے کُتگ ات که آئیءَ اشانی چمّاں شَریں نام ءُ توارے دنت، جنِکانی سرکَلءَ۔

آئیءَ مُدام ھمے ھیال کُت که اے شرّیں راهے، جنِکانی رسگءِ واستا، ءُ رستگ ئِے ھم. گوں ھزاراں جنِکّءَ گپ ءُ رَپ ئِے کُتگ ات. چُشیں هِچ موه ئِے چه دستءَ لگُشگا نئیشت که آئیءِ مزن پکری ءُ روشن هیالیءَ مردماں پیش بداریت. ھما کتابانی نام ئِے گپت که هچبر نه ونتگ اتنت ئِے، انچیں تامُر که هچبر نه دیستگ اتنت ئِے. اے راهءَ روان روانءَ، تو بگُش نوں womaniser یے جوڑ بوتگ. جنکّےءِ سر که گوں واحدءَ کپت، گُڑا آئیءَرا وتی اسلی رنگ ئِے پیش داشت۔

گوستگیں شپءَ آ ماهنورءِ گوما هبرءَ ات که آ گوشیت آئیءِ سک باز ھیالءَ کنت. ماهنور ءُ آئیءِ سنگتی کمو مُدت گوستگ ات که وتی هَکیکی رنگ ئِے پیش داشت. بلے آ ماهنورءَ هر هسابءَ که استمال کنگ بیت، کنگا اِنت. آئیءَ ، ماهنورءَ جنگ کنگ ءُ زاه ءُ بد کنگءِ هچ موکه یله ندات.

آئیءَ ماهنور اے اھساس دات که من مردینے آن ءُ منی زورءَ بمَنّ۔ ھما شگان ئِے ھم جَتنت که آئیءِ (پیسری) ھیالءَ مردینانی تنگ نِزَریءِ نشان اَنت، هر ھما کارءِ سرا که ماهنورءَ کُتگ اَت ءُ آئیءَ وَش نه بوتگ اَت. ”شما جنک وتارا چے سمج اِتّ؟ شمئے دلءَ شما هرچی زان اِتّ؟ اَسلءَ شما هچ نه زان اِتّ، ما ایں۔ ما مردینانی سئوبءَ شمارا دُرسیں چیز رسنت. تو منی کیمتی ئیں وھدءَ زوال کنگا بوتگئے. بس چھ منی زندءَ درا ءُ برو just get the fuck out of my life واحدءَ گوں جزباتی ئیں زبانےءَ گُشت. fuck off bitch، تو ھِچ کاری سامانے نئے.“

ماهنورءِ چم ارسءَ پُرّ بوتنت ءُ دومی نیمگا واحد simon de beauvoirs ءِ the second sex ءِ گُشتگیں گپ ٹویٹرءَ ریٹویٹ کُت ءُ نبشته کت ءُ گوں دگه ماهنورےءَ چیٹ بِنا کُت۔ گوں دگه ماهنورےءَ اے اولی رند ئِے نه اِنت۔ اے هر رندا ھمے هسابءَ بوگا انت ءُ پیداک اِنت۔

پدا دومی روچءَ کیت ءُ ماهنورءِ کرّا پهلّی لوٹیت ءُ سادگیں ماهنور آئیءَ پهل ھم کنت ءُ پدا چیز ھما هسابءَ بنت. بلے نوں ماهنورءِ دماغی هالت شَر شَر نه اِنت۔ آ نِزورتر بوان اِنت. ماهنور که یک نوجوانے، چه واب ءُ هب ءُ واھگا پُریں نودربرے بوتگ، نوں واقعی ھمے وڑ ھیال کنگا اِنت که I am good for nothing . بلے واحد؟ واحد انگت شِکارءِ دُمبءَ اِنت.

دامءَ چیر کنگا اِنت ءُ شکار کنگا انت ءُ ریٹویٹ کنگا اِنت ءُ۔۔۔ دُرستاں پدا کنگا اِنت.

+ posts