چہ دیوانءَ کہ چُٹّتیں تہ شتیں ”ریکءِ سرا“، ہما جاگہہءَ کہ سنگتاں پہ مہماناں تیار کتگ اَت۔
اسکولءَ، سیمینارءِ جاگہہءَ، داں ”ریکءِ سرا“، گاڑیءِ سرا کساس 15 منٹءِ راہ اَت۔ کسے پہ سیکلءُ کَسے پہ گاڑی۔ کاروانے بوتءُ راہ گپت۔
سربوتیں، بلاہیں پَلّے۔ پراہیءَ کِساس 500 میٹر بیتءُ دراجی، چہ پراہیءَ چار سَری اِنت۔ انچو کہ گیٹءَ پُترئے، کمو دیما چَپی نیمگا پکائیں لوگ اَنت، بنگلہءِ ڈولا۔ بَرانڈہے ءُ برانڈہءِ دوئیں سراں، رودراَتکءُ روبرکتءَ یک یک کسانیں کوٹی یے۔ دوئیں کوٹیان رَند نیامجینءَ برانڈہءِ تہا، دو کساس مزنیں کوٹی اَنت۔ دوہیں کوٹیانی دپ برانڈہءِ تہا اَنت۔ اے درہیں کوٹیاں نندگءَ جاگہ نیست۔ اِزلیمے پِر اَتکہ۔ کوٹی، برانڈہ، دیم، ہمک نیمگا بچار مہلوک اِنت۔ مردم برانڈہءِ دیما، نزیکءَ اوشتاتہءُ یکوئی درستانی چمءُ گوش گوں چئیرمینءَ اَنت۔ چئیرمین ہم پہ یک کَترہے دگہ نیمگے نہ روت۔ ہما اِنت اَتکہ انگہ گوں سپرءِ دَنزان اِنت، نشتہ دیوان کنگا اِنت۔
لالاءِ گُٹّ شتہ بلے ہبرءَ بس نہ کنت۔ جنت چئیرمین گپےءُ دور دنت لالاءِ نیمگا۔ لالا، کہ سر ئِے کمّو جہل اِنت، نَرم نَرمءَ بچکندے لُنٹان کنت، سر انچو جہل اِنتءُ چماں بُرزءُ کائی لانٹ کنت، کشءُ کائی چاریت چئیرمینءِ نیمگاءُ چئیرمین دَنت ٹہکے۔
”لالا، این ای ڈی ہاسٹلءَ شما چیا جنگ کُت وتسرا“؟ چئیرمین دنت لُکمہےءُ جنت ٹہکے۔
”پِچار، چئیرمین۔۔۔۔“ءُ لالا کسہءَ کَشّان کنت، ”مارا وَ دگہ جنگے کنگی نہ یَت۔ مارا تہنا ہمے پیشدارگی اَت کہ اگاں شما گُنڈائو، ما ہم کم نیاں۔۔۔۔۔ من زُرت پسٹلءُ ہاسٹلءِ دیما اوشتاتوں۔۔۔۔ کَسّی پِسّ نہ پُتری تہا۔۔۔۔“ کندگءُ مجلس اَت۔
”
اے مئے لیڈر چون اتنت؟“ اَتک گپ گپءِ تہا لیڈرانی سوالے۔
”
اے وَ شہ شروعءَ ہمے شُوم بُوتگ اَنت۔۔۔ ہَنچیں تُرسوک۔۔۔۔ انوں وَ منی گُٹ نہ بی، دگہ من ایشانءَ شَر کرتگ اَت“، بلے لالا انگہ گپءَ اَت، بے توارءَ ہم گپءَ اَت۔۔۔
”
اچہ، مبارک کازی؟“ لالا کہ تچک نشگ اَتءُ کم کمءَ لُڈّگءَ اَت، کازیءِ نامءِ اشکنگءَ انچو یکپارگیءَ پشتءَ کنزِتءُ ڈیوالءَ تِکہ بوت۔ کندگءُ ٹہکاں جہان سرا زُرت۔
ورگءَ رَند سنگتاں ہیال کت کہ چئیرمینءُ ہمراہاں دَمبُرتہ کہ چہ سپرےءَ پیداک اَنت۔ جار بوت کہ ”سُہبءَ چئیرمین ہمدا اِنت۔ باندا ہمے جاگہءَ بی این ایمءِ میٹنگ بیت، ہمدا بی این ایم بلیدہءِ آرگنائزنگ باڈی جوڑ کنگ بیتءُ رَندا چئیرینءِ زی رونت دیم پہ کیچءَ۔“ ہرکسءَ لوگاں روگی اَت، شُت۔ ما کہ پشکپتگ اتیں، اے درہیں کوٹیاں مارا وابءَ جاگہ نیست اَت۔ گڑا ما لہتے سنگت لوگانی سرا شتءُ وپتیں۔
سُہبءِ سرا چم کہ پچ بوت اَنت تہ کندگءِ توار اَت۔ ءُ ما زانت کہ چئیرمین ءُ لالا آگہ اَنت۔ چئیرمینءَ لالا سُرینتہءُ لالا کسہ جنان اِنت۔
چاہءُ سگریٹ چلگا اَت، ءُ کمو دیرا چئیرمین شُت کہ جان شوداں۔ چہ چم شودءَ وشگُٹیءِ توار چست بوت۔ ءُ ما ہمے توارءَ گلائیش بوتیں۔ دیوانگے، وتی دلبرءِ ہیالاں، چہ جہانءَ بے سما، اے وہدا پہک تہنا، لبزانءُ سَربِر، وتی ازہارءَ الہانانی تہا کنگا اَت۔
چئیرمین دراَتک، وتی واسکوٹ ئِے گورا کتگ اَت، آپرَندے جتگ ات ئِے۔ پدا چاہے وارت، سگریٹ روک بوت۔ نوں بلوچ سیاست یک رَندے پدا بندات بوت۔
”بچار، مارا نہ لگّی کہ اکبر خان ڈولیں مردمے وتی زبانءَ وارت۔ ٹھیک اِنت مازیءَ بازیں بُرزی جَہلی بیتگ اَنت۔ مازیءَ زانہ مئے مڈل کلاسءِ کجام شانداریں کِردارے؟ تہنا سردار نہ اَنت، درستاں وتی دیم سیاہ کتہ۔ بلے اے بَری سنگتانی گوں یکے دومیءَ ہال اہوال کہ استیں بیتہ۔ ہیر بشک بہ بیت یا کہ استیں اکبر خان بہ بیت، اے مردم بلوچ وتنءِ آزادیءَ چے دستبردار کہ استیں نہ بنت، اے چیزءَ ما زانیں۔“ چئیرمین گپ گپءِ تہا لُڈّگءَ اَت۔ پہ تاہیر نشتگ اَت۔ دست زانءِ سرا اَت بلے زور پر نہ داتگ اَت۔ ہر کجام سنگتءَ کہ گپے جت، تچکءَ ہمائیءِ نیمگا چارگا اَت، بچکندانءُ لُڈّانءُ ہبر کنان اَت۔
“اگاں اے بری ہم بیرہ کنگ بوت گُڑا؟”
”
بیرہ کنگ وَ نہ بیت۔ بلے کجام وہدےءَ تو دیست کہ من گلام مہمد کہ استیں بیرہ کنگا آں یا لرزگا آں، اولی تیرءَ بائد اِنت تو منا بجنئے، رَندا کہ استیں دژمنءَ بجنئے“۔
”آزادیءِ جدوجہدءَ کہ استیں یکسوئی زروری اِنت، ءُ دانکہ سزاءُ جزاءِ کہ استیں نزامے نہ بیت، ءُ مردم نہ گندنت کہ جہدء آجوئیءِ نامءِ سرا کہ استیں سیاست کنگءُ رَندا وتی زاتی مفادانی خاترا کہ استیں بیرہ کنگ ہم مَرگے نہ اِنت، تنا وہدا کہ استیں دوکہ دیگ آسان بیت۔
ما سنگت کہ اکبر خانءِ گندگءَ کہ استیں شتگ اتیں ڈیرہ بگٹیءَ، گڑا ما کہ نشتیں تہ من ملا پازلءِ کہ استیں شئیرے وَنت، دومی رندا کہ ما شُتیں، گڑا کہ استیں من ملا پازلءِ کتاب بُرتءُ دات۔
اکبر خان وَ خیر مئے نام نہاد مڈل کلاسءَ کہ استیں چہ مخلوکءَ بَدزَن کتہ، بلے آئیءِ ہیال کہ استیں ہمیش اِنت کہ اگاں بلیدہءِ مخلوکءَ گوں تو کمٹمنٹے کُت تہ الّم ہمراہ بیت۔ بوت کنت کہ( کَسانیں بچکندےءَ رند گشی) شہید ایوبءِ کہ استیں برکت اِنت کہ شما درستانی سرا بروسہ کنگا اِنت“۔
ایوبءِ زِکر کہ اَتک وَ ما درستاں گَلے کُت۔ نوں دیوان داں آئوکیں مزنیں وہدےءَ تہنا ایوبءِ گَپان اَت۔
ہمے نیامءَ ہیال اَتکءُ سنگتاں سلاہ کت کہ اسپیکر انگہ مئے کرا اَنت، وَہد ہست تہ بائد انت مرچی جلسہ یے ہم بہ بیت۔ ہما دمانءَ لہتے سنگت پاد اَتک، گاڑی زُرت، میتگ پہ میتگ جار جنان بوت اَنت کہ مرچی بٹءَ تہسیلءِ دپءَ جسلہ اِنتءُ چئیرمین گلام مہمد ہبر کنت۔
جار جنوک در کپت اَنت۔ بی این ایمءِ میٹنگ بندات بوت۔
میٹنگءِ بندات بوگا پیسر من چئیرمین گُشت کہ ”چئیرمین، اے لہتے سنگت اَنت، چہ ہما لوگان اَنت کہ آہاں ایوب بلیدی شہید کتہ۔ من نزاناں کہ مرکزی پالیسی چے اِنت“؟
چئیرمین، نندگی جاگہہءَ کمے دیما کِنزِت، سنگتءِ نیمگا چارِت، ”بچار، ایوب کہ استیں مئے سنگت بیتہ، مئے جدوجہدءِ کہ استیں مہکمیں باسکے بیتہ، آئیءِ شہید کنگءَ ہرکسےءِ کہ دست کہ استیں مان اِنت، ما گوں آئیءَ ہچ سورتءَ ہمدیوان بیت نہ کنیں۔ بلے ایش ہم نہ اِنت کہ ما ایوب ءِ کاتلانی چُکاں کہ استیں ایوبءِ کاتل سرپد بئیں گوں۔ اگاں سنگت چہ وتی مستریناں اینکسیں انکارے کہ استیں کت کننت وَ شَرّ اِنت، بلے اگاں سنگت گشنت کہ ما وتی مستریناں انگہ ہما رنگءَ چارینءُ آہانی گپانی سرا بئیں، گُڑا اے گپ کہ استیں تَچک اِنت کہ ما کہ استیں ایوب یا فداءِ کاتلانی گوما کہ استیں زان پہ زان بیت نہ کنیں۔ بہتر کہ استیں ہمیش اِنت کہ اے رنگیں کہ استیں ہچ گلت فہمی یے مہ بیت کہ باندا روچ کہ استیں دگہ مشکلے پیدا بہ بیت اے سنگتانی واستا یا کہ استیں مئے دگہ سنگتےءِ واستا۔
اے واستا کہ ایوب بلیدی کہ استیں پکّا سرکارءَ کہ استیں شہید کنائینتہ۔ ءُ ہر ہما کس کہ ایوبءِ شہید کنگءَ ہوار بیتہ، تُری آ کہ استیں مئے نام نہاد مڈل کلاس لیڈر شپ بہ بیت یا کہ استیں مُنشی مہمد ءُ اندگہ مردم بہ بنت اے درہیں کار کہ استیں سرکارءِ وش کنگءِ واستا کہ استیں کنگ بیتہ۔ ایوب بلیدی مئے جہدءِ کہ استیں ہمراہے بیتہ، مرچی کہ آئیءِ جند اے دنیاءَ نہ اِنت، ما کہ استیں گوں آئیءِ کاتلاں کم اَز کم کہ استیں ہمدیوان بیت نہ کنیں“۔
درہیں دیوان پورا مارےءَ وارت۔۔۔ درُست ہاموش۔
Taj Baloch is a poet and linguist. He published the first anthology of his poetry in 2016 in both Roman and Arabic scripts. Baloch is the Coordinator of Human Rights Council of Balochistan.
He can be reached at @TajBloch
