Mehlab Naseer

“A Touch A Click”

(دمبرگءِ نامءَ)

!او مہردَر

!او دل بدَر

تو ٹپےءِ شکورتگین ترِکّکانی بوسگءِ وڑا سُچئے

نہ مہرے ئے، نہ کُچّلے

چہ اندرءَ تو پرُشتگیں دمانی ٹکرے وڑا نہ زُرت بئے نا دروہگءِ میارءِ بُچکہءَ ترہئے

تو زانئے لہتیں روچ گران بیت

بلے گوَزَنت

گوزان گوزان ءَ پشت کپنت

ءُ ایر بنت

چو وشّیں وہدءِ ترانگءَ کہ سستگیں سواسےءِ پُچگ، دمانے مہتلاں کہ پررچیت

گمان لنککاں وتی تبءَ بران کنت تاں سیچنءَ بہ سُمبیت تَرکّےءِ پُچل

چو سُتکگیں سریگےءِ کہ پَچّ ءُ ٹنگ ہنر کننت ءُ چیر بنت

اَنچو واب ءُآگہی

منی دمان پرُشتگ اَنت

 کئے انت کہ دم بران ءَ گام جنت منی تہا

‘‘دَرا، بُرو’’

‘‘!او دل بدر’’

‘‘او بے زُبانیں واہگءِ تپر’’

مروچی مہلبءَ گوں لنککاں بہ گُڈّ

ہتر بدئے

!او دمبرگ

!او زندگیءِ بو

تو بیا بنند من کسہے کناں۔۔۔

کہ ہست ات یک میتگے دلءَ

ءُ ہست ات یک بالوئے

ءُ بالو ءَ چراگے ہست اَت میتگءَ

بلے چراگ مُرتگ ات

ءُ میتگءَ مدامی شپ ہزار چمءِ کوریں پوشءَ تل ماں تل

ءُ سر پہ سر گوزان اتنت

ءُ بالو، بے چراگءَ  زندگ ات

ءُ کوریں دیدگاں چہ یکے ات

بلے تاں کد؟

نزانئے زانا بالوانی بانزلان اِنت زندگی؟

تو بِلّ کسہءَ چراگءُ بالوءِ

من ساہگانی کسہے کناں

  ہست بیت ساہگے

 شگان چُپتگیں دو چمّی کونسءِ چیرا زُکُریت

برے برے گُڑیت

اے بے بدن

بدن بَدَر کجا بُروت؟

نندی نندی

شش ہتم ہلاس کنت

ءُ تاکچنڈاں شش دگہ چو نُکّءِ تُکاں ایر بارت

 !ہتم زدگ

!ہتم بَدَر

کُجا شُتئے؟

بنند ادا

اے کسہانی دردءَ گندگائے ناں؟

 ہمک دمان لُنٹءِ ہوناں زرد کنت

کُدیت زند اندرءَ

 نوں لہم لہم اُپّ کنت اے زندگی گُشئے اے ٹپ وشّ بنت، ہمے وڑا

!او چم بدر

تئی چہرگءَ دگہ جننت

تو مردگانی وابءِ واہگءِ وڑا شپاں گُڈین ئے کُنڈےءَ

تو لبزے ئے کَرُتکگیں

شمُشتگیں

ءُکاٹ ءُ کوٹءَ پد

No space  

Formatted

Don’t miss posts from Balochistan Times!

We don’t spam!

+ posts

Mehlab Naseer has done her Masters in English Literature from the University of Balochistan and has been teaching English Literature and Functional English at the Government Girls' Degree College Turbat and the University of Turbat since 2010.

Mehlab composes Balochi poems, writes short stories and is also a regular translator.

Leave a Comment