Home / Balochi / کاگدے چول جنت۔۔ خالق ارمان

کاگدے چول جنت۔۔ خالق ارمان

(خالق ارمان ءِ نظمے، جند ءِ توار ءَ)

دُور گوات ءِ زِر ءَ کاگدے چول جنت
لبز گوْرماں پُرشنت
آپ بنت کِسّہ ءِ کَرپدانکیں زہیر
چم ارسانی بِرمشاں کجا اِشکننت
بس اے نیام ءَ ابیتکی ے شہمیت
ءُ زیمر پُرشنت
ساہتے اَچ منی پیژگہ ءِ باتن ءَ
چوکہ شہکوریں شاہاپ مَلّیت ءُ روت
وہد جَلّیت ءُ روت
زند بیگانگیں مردمے ءِ وڑا
بیگہاں کئیل کنت
کئیپ ءِ رنگاں گوْپیت ءُ وتا
دَرْپ ے ءَ مان کنت
کاگدے چول جنت ءُ نبشتہ بُجنت
لبز گوْرماں پُرشنت
کِسّہانی تہا کسّے جاگہ نہ کنت
دُور گوات ءِ زِر ءَ کاگدے چول جنت

About Khaliq Arman

Check Also

Shadows on the wall

When the king is dead When the fire is lit When the skies are bloodshot …

Leave a Reply

Your email address will not be published. Required fields are marked *